Padang hkrun lam hta anhte yawng shang lawm ra sai.

expr:id='"post-" + data:post.id' >

Myen hpyen hpung gaw sinpraw ding dung mung dang ni hta Vietnam hpyen dap a hpang kaw law dik ai hpyen jahpan hte n gun ja ai hpyen hpung hku nna mung kan e yu kaba da ai hpyen hpung langai rai nga ai. Dai zawn arawng la gum hkawng ai hpyen hpung ni wa, n law n la re ai, Wunpawng mung dan shang lawt hpyen hpung ni hte gasat ai hta manu mana si ru htum ma mat nga ai majaw, gaya kahpa rai nga manu ai. 

Myen a masing gaw, shang lawt ni hpe myen mung kawn gasat shagrawt kau dat jang, hkyep din she tat miwa hkran de hprawng mahkyit mat na re. Dai shaloi miwa wa mung bai gawt n htang di nna lapran kaw jawm matep sat jahtum kau na hku Miwa hte jahkrum da sai re. Raitim shanglawt hpyen ni magrau grang gasat gala ningtawn ai lam a majaw shanhte myit da ai hku ya du hkra n awng dang malu ai.

Dai hta grau ai gaw kade shakut yu tim n dang wa ai shaloi, mung kan wunpawng hpung kawn pat hkum da ai shing ja lak nak  (Chemical weapon) lang let wunpawng mundan shanglawt hpyen hpung hpe gasat wa ma ai re. N dai zawn shingja lak nak ni hte gasat ai lam gaw hkrat sum machyi ai wa nau law mat ai majaw tara ai n tara ai ni n myit taw sai asak lawt lam a matu lang wa ai rai nga ai. Mungkan kawn n dai lam hpe shateng a hkyak la wa yang shanhte a lup n hkun shan hte htu la ai lam sha re. 

Anhte Jinghpaw wunpawng a myu sha ni gaw magrau grang ai, awng padang dip la nna Padang Manau dum ai amyu ni re. Dai hte maren mung dan shang lawt n lu ding sa kade ban prat rai tim a nut na sha re. Myen wa kade prat madang dep ai lak nak ni hte gasat nga rai tim anhte mung mai byin ai masa hku nna gasat ning laq na re. 

A hkyak kaba dik gaw myu sha kahkyin gum din lam rai nga mali ai. Dai ni na a ten hta pyi nang shoi nang sha nga garan nga yang chyawm anhte a pan dung gaw ning sin kata layung ladawn ai hpa tai mat na re. Nang hkristan law, nat jaw law, rawang law jinghpaw law nga tsun chyai na ten n rai sai. Mung kan shara shagu na myu sha hkum ding dik du nga ai shara kawn mai byin ai magam hte shang lawm ap nawng ra sai. Anhte a gam maka gaw anhte a lata kaw sha nga ai. Hpa hpe mung hkrit taw nmai sai. A sak ap nawng kau gwi ra sai. Anhte yawng shang lawm let nga chyu lagat n tsin lwi ai Wunpawng  Hanan jawm gaw gak sa wa saga law..

Dut Wa