Jinghpaw Mung kata majan laja lana matut byin nga

expr:id='"post-" + data:post.id' >

Jinghpaw Mung kata KIO uphkang ginra de Myen Asuya hpyendap ni, htim shang gasat wa ai majaw, KIA kaw nna bai ninghkap gasat nga ai gaw, shata (6) ngu na ladaw de rai nga sai re.
November 23, 2011(Dam) ya shani, Dawhpum-yang mare makau, Ntap bum lagaw na, Hkaqwanpa shara hta shani hkying 11:00am grup-yin ten kaw nna KIA masat (5) dapba hpyenhpung ni hte Myen asuya hpyendap hpyenhpung kaba ni laja lana gaphkat ai lam chye lu ai. Ndai majan hta Myen asuya hpyenla mang (6) hpe KIA hpyenla ni hta lup kau ya ai lam mung majan pa shawnglam shiga kawn chye lu ga ai. Myen asuya hpyenla (10) jan si hkrum ai hte hkalaq nbaq hkrum ai grai law ai lam hpe mung na lu ga ai. Daihta, KIA kaw nna sinat kaji lau (2) hte laga hpyen araung arai ni hpe lu zing la ai lam mung na chye lu ai.
Ntap bum ntsa de shara la rawng nga ai, Myen asuya hpyenla ni hpe KIA hpyenla ni shata (2)  jan shani shana gasat nna gawt kau lu ai hte,  yaten, Myen asuya hpyenla ni  Ntap bum lagaw de hprawt htingnut mat wa nga ai re lam mung chye lu ai. Ndai, Ntap bum grup-yin majan ni hta KIA hpyenla marai (6) mungdan a matu asak apnawng lai wa sai hte marai (12) hkala hkrum ai lam chye lu ai. Myen asuya hpyenla yawmdik marai (120) jan si hkrum sai hte marai (200) grup-yin hkala hkrum ai lam mung chye lu ga ai.
Bai, November 23, 2011(Dam) ya shani, hkying 1:00pm ten daram kaw nna, hkyinghkum (3) daram Gara-yang makau, Nawng Zaw mare hta mung KIA, masat (3) dapdung hpyenhpung ni hte Myen asuya hpyendap ni laja lana gaphkat ai lam chye lu ai. Ndai majan hta Myen asuya hpyenla marai (2) si hkrum ai hte marai (4) hkala hkrum ai lam chye lu ai. KIA maga de hkala nba hpa n nga ai lam  mung na lu ai.
Bai, November 23, 2011(Dam) ya shani hta sha, KIA masat (3) dapba ginra Kadawq mare hta mung KIA masat (3) dapba hpyenhpung ni hte Myen asuya hpyendap ni jahpawt hkying 9:00am daram kaw nna shana daw hkying 5:00pm daram du hkra aging agang gasat hkat ai lam chye lu ai. Jinghpaw Mung laga ginra ni hkan mung gaphkat ai lam nga ai hpe chye lu ai.
Myen asuya hpyendap gaw amyu shamit majan masing hku nna, du ai shara shagu na mare kahtawng ni hpe nat jahten ai hte buga madu mare masha ni hpe rim jep, adup zing-ri, gap sat ai lam ni galaw nga ai hpe mung mu chye lu nga ga ai.
KIO asuya kaw nna, rau nga rau pra amyu sha yawng a lam-yan ntsa myit galu kaba hte Jet ai, Munghpawm mungdan gawde sa wa lu na matu yaw shada let, Munghpawm mungdan ting gaphkat lam jahkring ai hpe ndau nna, mung masa lam-yan jawm jahkrup sa wa na matu ndau shana nga ding-yang, ndai zawn, Myen asuya gaw amyu shamyit lailen hte mung maden majan gasat nga ai re.
Myen asuya kaw nna, munghpawm mungdan simsa lam hpe woi galaw nga ai nga nna, mungkan shawa man de ndau dan nga ai raitim, maga mi de gaw, munghpawm mung kata na, rudi amyu masha ni hpe shamit masing majan shang nga ai gaw aden aleng sha rai nga ai.
Daihta, Myen asuya gumsan magam Slg. Teing Seing kaw nna, Bali Zinlawng kaw sanhtai ai hta, tsun ai ga gaw, “KIA hpe aten kadun laman, lani mi rau shamit kau lu ai” nga nna tsun shapraw wa ai. Ndai lam gaw Munghpawm mungdan kata rudi amyu ni hpe shamit kau na masing nga ai ngu ai maga yawng nga ai hpe maram lu ga ai.
ref: KLN