Tsawra ai Jinghpaw Wunpawng a myu ni yawng e, dai ni anhte a mung dan hta byin nga ai Majan hpe yu dat yang, Myen ni gaw anhte a myu ting hpe shamyit sa wa nga sai re. Myu sha ni hpe mara matu tam nmu ai sha sat ai, a myu shayi ni hpe u hpung roi rip sat kau ai, ma kaji ni hpe sat ai, u wa yam nga hte n ta kata lu malu mya lu mya sha ai, mare nat kau ya ai, nga mana yawng jahten shaza kau ya ai. Kade ram wa myit machyi hpa rai nga ai ta!!
Mungkan a Simsa Lam ( Noble Prize ) madu da let, Myen mung simsa lam shakut nga ai Aung San Kaw mung zim she zam rai taw nga ai. Mung masa bawng dung nga ai ni hpe shalawt na gaw grai shakut nga lu ai. Raitim, ya a hkyak hkyak sat nat hkrum nga ai Jinghpaw wunpawng amyu sha ni a lam hpe gaw n chye masu su let nga taw nga ai. Myen mung sim sa lam galaw ai ngu ai gaw myen a myu sha ni simsa na matu sha rai nga ai. Anhte gaw myen n re majaw kadai wa kraw hkrat myit machyi ya na law?
Dai majaw, Anhte ni nan myit hkrum let jawm shakut la ra sai. Kadai hpe mung yu taw la taw nmai sai, nang ngai anhte a lit rai sai. Sai Ga shaga ra sai. Myit hkrum ra saga ai.
Gaq garan nga ai lak nak hpai ai myu tsaw hpyen hpung shagu mung tinang Kanu KIA a shaw shaga ai hteq maren, shi hpang de myit nawn na ai lam nnga ai sha gahkyin wa let, myen tai hpyen wa hpe jawm gasat gumlan shapraw kau ra sai. Anhte lawan ladan n myit hkrum ai rai yang hpang hkrat wa na re.
Marai masum myit hkrum yang, pang lai nawng pyi htawk dang ai ngu gaw myit hkrum lam a lak nak kaba rai nga ai. Dai ram law ai myen a myu ni hpe anhte kachyi re a myu kasha sha pyi shada myit n hkrum n ra rai yang gaw galoi mung ninglaq kau lu na nre. N dai lam ni hpe ningbaw shagu ni myit dum nga ma ai kun?
Sai Ga shaga ai amyu tai let myen tai hpyen hpe anhte jawm gasat yang Karai Kasang mung anhte maga tsap ya nga let Padang ning law Awng dawm a hkaw a hkang anhte madu lu na gaw teng sha rai nga ai law..
Dut Wa
No comments:
Post a Comment